Tetesi za Soka Ulaya Jumanne 22.03.2022: Cavani, Dybala, Melo, Richarlison, Osimhen, Porozo, Henders

 

CHANZO CHA PICHA,GETTY IMAGES

Maelezo ya picha,

Edinson Cavani

Inter Milan wamemtambua mshambuliaji wa Manchester United na Uruguay Edinson Cavani, 35, kama mbadala wa mshambuliaji wa Chile Alexis Sanchez, 33. (Mail, via Gazetta dello Sport)

Juventus wamethibitisha kuwa Paulo Dybala ataondoka klabu hiyo msimu huu wa joto. Mshambulizi huyo wa Argentina, 28, aliwahi kutafutwa na Manchester United na Tottenham. (Fabrizio Romano)

• Tetesi za Soka Ulaya Jumatatu 21.03.2022

Newcastle itarejelea tena kampeni ya kumsaka mshambuliaji wa Napoli Victor Osimhen, licha ya klabu hiyo ya Italia kukataa ofa yake ya euro milioni 100 ya kumnunua mchezaji huyo wa kimataifa wa Nigeria mwezi Januari wakati dirisha la uhamisho lilipokuwa wazi. (Express)

CHANZO CHA PICHA,GETTY IMAGES

Maelezo ya picha,

Newcastle kurejelea tena kampeni ya kumsaka mshambuliaji wa Napoli Victor Osimhen

Mauricio Pochettino, Erik ten Hag, Julen Lopetegui na Luis Enriqueni miongoni mwa watu wanne wanaopigiwa upato kuchukua usukani Manchester United huku klabu hiyo ikiendela kumtafuta kocha atakayechukua nafasi ya Ralf Rangnick kwa mkataba wa kudumu msimu huu wa joto. (Sky Sports)

Arsenal wanajiandaa kumnunua Arthur Melo, 25, kutoka Juventus msimu huu wa joto baada ya kushindwa kufikia mkataba na kiungo wa kati wa Brazil mwezi Januari. (Calciomercato, in Italian)

Manchester United wanamtaka mshambuliaji wa Everton na Brazil Richarlison. Mchezaji huyo mwenye umri wa miaka 24 pia amekuwa akihusishwa na Real Madrid, inayosimamiwa na kocha wa zamani wa Toffees Carlo Ancelotti. (Goal.com)

CHANZO CHA PICHA,GETTY IMAGES

Arsenal na Liverpool wanamnyatia winga mahiri wa Uholanzi na PSV Eindhoven Cody Gakpo, 22, lakini wanakabiliwa na ushindani mkali kutoka kwa Barcelona na Bayern Munich. (Express via The Athletic,usajili unahitajika)

Manchester City wanajiandaa kuwasilisha dau la kumnunua mlinzi wa kati wa Boavista na Ecuado wa miaka 21-Jackson Porozo. (Ojogo, kwa Kireno)

Arsenal wana nia ya kumsainisha Bukayo Saka katika mkataba mwingine wa muda mrefu ili kuwafungia nje wapinzani wa Ligi ya Primia wanaommezea mate kiungo huyo mshambuliaji wa England mwenye umri wa miaka 20. (The Athletic, usajili unahitajika)

CHANZO CHA PICHA,GETTY IMAGES

Maelezo ya picha,

Mshambuliaji wa Arsenal Bukayo Saka akishangilia kufunga bao

Leeds United wanamtaka kipa wa Trabzonspor na Uturuki Ugurcan Cakir, 25, na watamtazama katika mechi ya Alhamisi ya kufuzu kwa Kombe la Dunia dhidi ya Ureno. (Fanatik, kwa Kituruki)

Leicester wamejiunga na orodha ya vilabu vinavyotaka kumnunua mshambuliaji wa Salzburg na Austria Chukwubuike Adamu, 20. (Mail)

Kipa wa Celtic Vasilis Barkas ameiambia klabu hiyo kwamba anataka kuhama Parkhead msimu huu wa joto baada ya mchezaji huyo wa kimataifa wa Ugiriki, mwenye umri wa miaka 27, kuteleza kwenye orodha ya kuwa kipa chaguo la tatu(Daily Record, via Onlarissa)