ingilia kati
Mawaziri wa muungano wa Nato wamekuwa wakikutana mjini Brussels wiki iliyopita ili kujadili ni kwa kiasi gani wanapaswa kufikia katika kutoa vifaa vya kijeshi kwa Ukraine.
Changamoto kwa Nato katika muda wote wa vita hivi imekuwa jinsi ya kumpa mshirika wake Ukraine msaada wa kijeshi wa kutosha kujilinda bila kujiingiza katika mzozo na kujikuta katika vita na Urusi.
Serikali ya Ukraine imekuwa wazi katika wito wake wa kuomba msaada.
Iwapo itakuwa na nafasi yoyote ya kujikinga na shambulio lijalo la Urusi kwenye eneo la Donbas mashariki mwa nchi, inasema, basi inahitaji haraka tena ugavi wa silaha , Stinger na Starstreak makombora ya kukinga vifaru na ya kutungulia ndege ambayo majeshi yake tayari yamekuwa yakitumia katika vita hivi.TWATAKA KUSIKIA KUTOKA KWAKO:Wewe au jamaa zako mlitoroka vita Ukraine?
Kiasi hicho kinakuja. Lakini Ukraine inataka zaidi.
Inataka vifaru, ndege za kivita, ndege zisizo na rubani na mifumo ya hali ya juu ya ulinzi wa anga ili kukabiliana na ongezeko la Urusi la mashambulio ya angani na makombora ya masafa marefu ambayo yanazidi kuharibu hifadhi ya kimkakati ya Ukraine ya mafuta na mambo mengine muhimu.
Hivyo nini hasa, watu wengi wanaweza kuuliza, ni kinachoifanya Nato kurudi nyuma?
Jibu ni kuongezeka kwa mashambulizi.
Hatari ya Urusi kuamua kutumia mbinu za kinyuklia (yaani masafa mafupi) ya silaha za nyuklia au ya mzozo kuenea nje ya mipaka ya Ukraine na kuingia katika vita vikubwa zaidi vya Ulaya mara kwa mara iko kwenye mawazo ya viongozi wa magharibi na hapa hatari ni kubwa sana.
Nchi za Magharibi zilichotoa hadi sasa
• Zaidi ya nchi 30 zimetoa msaada wa kijeshi kwa Ukraine ikijumuisha €1bn (£800m) kutoka EU na $1.7bn (£1.3bn) kutoka Marekani.
• Usambazaji hadi sasa umepunguzwa kwa silaha, risasi na vifaa vya kujihami kama vile mifumo ya kukinga vifaru na makombora ya kukinga ndege.
• Ni pamoja na Javelins ambayo ni silaha za kukinga silaha zilizoshikiliwa begani zinazorusha roketi.
• na Stingers ambazo ni silaha za kupambana na ndege zinazoweza kubebwa na mtu zilizowahi kuwa maarufu zaidi nchini Afghanistan dhidi ya ndege za Kisovieti
• Starstreak ni mfumo wa ulinzi wa anga uliotengenezwa na Uingereza
• Wanachama wa Nato wanahofia kusambaza vifaa vizito kama vile mizinga na ndege za kivita kunaweza kusababisha mzozo wa moja kwa moja na Urusi.
• Hilo halijawazuia Jamuhuri ya Czech kutoa mizinga ya T72.
Rais Putin aliukumbusha ulimwengu mapema katika vita hivi kwamba Urusi ni nchi yenye nguvu ya silaha za nyuklia na kwamba ilikuwa ikijiweka katika utayari wa hali ya juu kuzuia mashambulizi ya nyuklia.
Marekani haikufuata mfano huo kwani iligundua kutosogezwa kwa vichwa vya nyuklia vya Urusi kutoka kwenye hifadhi zaoi. Lakini hoja ya Putin ilitolewa. Alikuwa akisema kuwa: "Urusi ina silaha kubwa ya nyuklia kwa hivyo usifikiri unaweza kutubabaisha."
Wapangaji wa mikakati wa Nato wana wasiwasi kwamba mara mwiko wa matumizi ya silaha za nyuklia unapovunjwa, hata kama uharibifu ni mdogo kwa lengo lililowekwa kwenye uwanja wa vita wa Ukraine, basi hatari ya kuongezeka kwa janga la mapambano ya nyuklia kati ya Urusi na Magharibi bila shaka itapanda kiwango.
Na bado, kwa kila ukatili unaofanywa na askari wa Urusi, azimio la Nato linazidi kuwa ngumu na vizuizi vyake vinayeyuka. Jamhuri ya Czech tayari imetuma mizinga, ambayo inakubalika kuwa T72 za zama za Sovieti zimepitwa na wakati, lakini ni nchi ya kwanza ya Nato kufanya hivyo. Slovakia inatuma mifumo yake ya makombora ya ulinzi wa anga ya S300. Hatua zote mbili kama hizo zingeonekana kuwa hatari wakati vita hivi vilipoanza.
Tobias Ellwood Mbunge, ambaye ni mwenyekiti wa Kamati ya Ulinzi ya Bunge, ni mmoja wa wale wanaoamini kuwa Putin hana uwongo anapoibua hisia za silaha za nyuklia na kwamba Nato inapaswa kufanya zaidi.
"Tumekuwa waangalifu kupita kiasi katika mifumo ya silaha ambayo tumekuwa tayari kutoa," anasema. "Tunahitaji mtazamo thabiti zaidi. Tunawapa Waukraine vya kutosha lakini sio kushinda na hiyo lazima ibadilike."
Kwa hivyo ni jinsi gani vita hivi vya Urusi na Ukraine vinaweza kuzidi kuwa mzozo mpana zaidi wa Ulaya ambao unaiingiza Nato?
Kuna idadi ya matukio ambayo bila shaka yatakuwa na mawazo katika wizara za ulinzi za Magharibi.
Hapa kuna namna tatu
1. Kombora la kuzuia meli lililotolewa na Nato lililorushwa na vikosi vya Ukraine huko Odesa laigonga na kuizamisha meli ya kivita ya Urusi katika Bahari Nyeusi na kuwapoteza karibu wanamaji 100 na makumi ya wanamaji. Idadi ya vifo vya ukubwa huu katika shambulio moja haitakuwa ya kawaida na Putin angekuwa chini ya shinikizo kujibu kwa namna fulani.
2. Shambulio la kimkakati la kombora la Urusi linalenga msafara wa vifaa vya kijeshi unaovuka kutoka nchi ya Nato, kama vile Poland au Slovakia, kwenda Ukraine. Iwapo majeruhi wangekuwa katika upande wa Nato wa mpaka kungeweza kusababisha Kifungu cha 5 cha katiba ya Nato kutumika, na kuleta muungano mzima wa ulinzi kwa nchi inayoshambuliwa.
3. Katikati ya mapigano makali huko Donbas mlipuko ulitokea kwenye kituo cha viwanda na kusababisha kutolewa kwa gesi za kemikali za sumu. Ingawa hii tayari imetokea, hakuna vifo vilivyoripotiwa. Lakini kama ingesababisha aina ya hasara kubwa iliyoonekana katika matumizi ya Syria ya gesi ya sumu huko Ghouta na kama ingegundulika kuwa ilisababishwa kwa makusudi na vikosi vya Urusi, basi Nato ingelazimika kujibu.
"Swali kubwa la kimkakati," anasema mmoja wa maafisa wa kijeshi wenye uzoefu zaidi wa Uingereza ambaye anaomba jina lake lisitajwe, "ni kama serikali yetu inajishughulisha na usimamizi wa mgogoro au mkakati halisi." Hiyo itahitaji kufikiria hili hadi mwisho, anaongeza.
"Tunachojaribu kufikia hapa ni kuipa Ukraine kila msaada tunaoweza, muda mfupi wa Vita vya Tatu vya Dunia. Tatizo ni kwamba, Putin ni mchezaji bora wa poker kuliko sisi."
Mbunge Tobias Ellwood anakubali.
"Urusi inafanya hili [tishio la ongezeko la mashambulizi] kwa ufanisi mkubwa. Na tumetiwa hofu. Tumepoteza uwezo wa kudhibiti ngazi inayoelekea ongezeko hilo ."
No comments:
Post a Comment